يساعد الضحك في تعديل الحالة النفسية، لذا قررنا أن نخصص هذا المقال لنقدم لكم اقوى نكت مضحكة مكتوبة.
اقوى نكت
- مرة واحد اتخانق هو ومراته بالليل ومابيكلموش بعض.. حط لها ورقة جنب السرير قال لها صحيني الصبح الساعة ستة ونص.. صحي الصبح بيبص ف الساعة لقى الساعة عشرة.. ولقى جنبه ورقة مكتوب فيها اصحى الساعة بقت ستة ونص.
- واحد بيشتكي لصاحبه بيقوله أنا مافيش حد بيحبني ولا يفتكرني أبدًا، ومش عارف أعمل إيه.. قاله سهلة.. استلف من الناس فلوس هيسألوا عليك كل يوم!
- مرة مهندس برمجة اتجوز وخلف بنتين توأم .. سمى واحدة لوجين والتانية Log out.
- في واحد راح يستقبل ابن عمه في المطار المهم وهم راجعين من المطار بيسأله: انت بقا لك عشر سنين في أمريكا… كنت بتدرس ايه؟ رد عليه ابن عمه: كنت بدرس علم المنطق قاله: ايه هو علم المنطق؟ رد عليه: صعب اللي درسته فى عشر سنوات اشرحهولك فى ساعة بس انا هاديك مثال على المنطق. قاله: أوكي سأله أبو المنطق: انتوا عندكم كلب في البيت صح؟ رد عليه: أيوة عندنا قاله: ادام عندكم كلب أكيد عاملين له بيت فى الحوش رد عليه: صح عاملين قاله: ما دام انه عندكم حوش اكيد انكم عايشين في فيلا رد عليه: صح إحنا عايشين في فيلا مدام انكم عايشين في فيلا أكيد أبوك غني رد عليه: صح أبويا غني قاله: مدام ابوك غني أكيد أنت مش
شحات، قاله لأ طبعًا، ردعليه :ياااااااااااا هو ده المنطق؟ المهم …. صاحبنا راح عند صحابه باليل وحب يتفلسف عليهم وسألهم يا شباب تعرفون ايه هو المنطق ؟ رد واحد لا والله ما نعرفش قال: أنا اقلكم ، سأل صاحبه: انتوا عندكم كلب في البيت ؟ رد عليه صاحبه : لا ما عندناش ، قاله: تبقى أنت شحات. - الطفل: ماما عاوز أشرب الأم: بطبخ، قوم هات لنفسك تشرب الطفل: بتفرج على التلفزيون، هاتيلي أشرب وارجعي تاني المطبخ الأم: و بعدين بقي معاك، هاجي اضربك الطفل: طيب وإنت جاية تضربيني هاتيلى معاكي أشرب
- في رجل سعيد تزوج أمرأه تعيسة جابو ولد سموه يا فرحه ما تمت.
- ندل واقف في ميكروباص ضحك لبنت ضحكتله غمزلها غمزتله شاورلها تنزل نزلت قعد هو مكانها.
نكت 2021
- واحد نذل اشتغل في المطافى عبا حنفيات الحريق بنزين.
- مرة واحدغبي معاه عربية قديمة جدًا وبيحاول يبيعها وماحدش راضي يشتريها.. راح لصاحبه حكاله المشكلة.. صاحبه قاله عندي لك فكرة جهنمية هاتخليها تتباع الصبح.. أنت تجيب علامة مرسيدس وتحطها عليها. بعد أسبوعين صاحبه شافه صدفة قاله بعت العربية ولا لاء؟ قاله انت مجنون؟ حد يبيع مرسيدس؟
- مرة واحد رايح لواحد صاحبه.. فا البواب وقفه بيقول له انت طالع لمين.. قاله طالع أسمر شوية لبابايا.. قاله يا أستاذ طالع لمين في العمارة.
- واحد أخوه مات ومش عاوز يصدم مراته بالخبر مرة واحدة.. دخل عليها وقال لها: جوزك اتجوز عليكي.. صوتت وقالت إلهي أشوفه داخل ميت.. قال لأصحابه: دخلوه يا رجالة.
- اتنين مساطيل حبوا يسرقوا عمارة فقالوا لبعض احنا ناخد العمارة بعيد ونسرقها برحتنا، فقلعوا الهدوم وقعدوا يزقوا فى العمارة يزقوا، جه واحد من وراهم وسرق الهدوم، فواحد منهم بص ورا ملقاش الهدوم فقال له كفاية كدة احنا بعدنا اوى.
- واحد بيحلق دقنه التليفون رن، عور نفسه عشان لما يرجع يعرف هو وقف لحد فين..
- مرة واحد فتح التلاجه شاف الجيلي بيرتعش قال له متخافش حشرب ميه.