حرص أحد الكافيهات على مشاركة طلاب الثانوية العامة 2022 فرحتهم بظهور النتيجة، وذلك بعد عام كامل من التوتر والضغط النفسي من المذاكرة والامتحانات، فلم يجد سوى أن يقوم بتقديم عرض خاص لطلاب كفر الشيخ بعد نجاحهم في الثانوية.
صاحب الكافيه الموجود في محافظة كفر الشيخ، حرص على تقديم خصم يصل إلى 50% للطلاب الناجحين في الثانوية العامة، وذلك على كافة المشروبات التي يُقدمها مشروعه الخاص، مشاركةً منه للطلاب في احتفالهم بفرحة النجاح.
صاحب الكافيه: حبيت أفرح طلاب الثانوية العامة
«حبيت أفرح طلاب الثانوية العامة اللي نجحوا لأنهم تعبوا جدا علي مدار عام كامل عشان يوصلوا لليوم ده وكان لازم نشاركهم فرحتهم يعني ولو بحاجة إني أعمل لهم تخفيضات 5% علي المشروبات»، بهذه الكلمات بدأ صاحب الكافيه حديثه لـ«».
وأضاف: «أنا قررت إني أعمل خصم 50% علي أي مشروبات أو خدمات بنقدمها في الكافيه لأي طالب ثانوية عامة ناجح، وكان فيه تفاعل كبير مع العرض من أول ما أعلنت عنه وناس كتير شكرتني علي اللفتة دي، وبقول لطلابنا الغاليين ألف مبروك».
لو الثانوية العامة ضاغطاهم أو مزعلاهم إحنا نفرحهم
وتابع أنه يعرف جيدا الضغط الذي يمر به طلاب الثانوية العامة ولذلك كان قراره بتقديم هذا العرض للطلاب الناجحين: «أنا عارف كويس جدا ضغط الثانوية العامة وكمان عارف برضو إن فرحة النجاح حلوة عشان كده عملت العرض ده وإن شاء الله كل سنة نعمل العرض ده وبشكل أوسع عشان نفرح طلابنا ولو الثانوية العامة ضاغطاهم أو مزعلاهم إحنا نفرحهم».