مع نشوب حريق بأحد مدرجات كلية الثروة السمكية بمحافظة كفر الشيخ، قرر عدد من الطلاب الذين تصادف تواجدهم حينها داخل كليتهم، إجراء سيشن تصوير بعد السيطرة على الحريق.
محمود علاء، طالب الفرقة الرابعة بكلية الثروة السمكية، جامعة كفر الشيخ، نشر الصور التى تم التقاطها أثناء الحريق معلقا: «قدر الله وما شاء فعل.. كليتي ولعت»، لتحقق الصورة انتشارًا واسعًا، لتغمر عدد من الطلاب حالة غريبة من السعادة، على عكس طبيعة الحادث.
يحكي «علاء» حكاية الصورة لـ«»: «كنا داخلين من باب الجامعة عشان عندنا تدريب صيفي أنا و3 زمايلي، الأمن قال لنا مفيش دخول عشان الكلية بتاعتكم ولعت، ودخلنا من بوابة الجامعة الرئيسية، بس رفضوا يدخلونا جوه الكلية، وكان في 7 عربيات مطافي».
جلس الطلاب الـ4 خارج الكلية أمام المدرج المحترق، والتقطوا «الصورة المثيرة»، وأن سبب التقاط الصورة «كان للذكرى»، ويضيف «علاء»: «قررنا نتصور الصورة دي للذكرى لأنها آخر سنة في الكلية وأكيد ده حدث مش بيتكرر كتير وحاجة مميزة نفتكرها بعد التخرج».
نشر الطالب صورة من «السيشن»، حيث ظهر مبتسما أمام نافذة المدرج المحترق المتشحة بالسواد، بينما نشر باقى «صور السيشن»، في التعليقات على الصورة ذاتها: «أما ناشرها بشكل طبيعي وعادى على صفحتي الشخصية مكنتش عاوزها تنتشر»، وبعد الهجوم على الصورة حذفها «علاء» مقدما اعتذار للكلية قائلًا: «البوست والصور اللي أنا نزلتها مقصدش منها إني أشمت في حريق الكلية أو أفرح فيها، ده كان هزار وفيه ناس حرّفت القصد وجالي مشاكل بسبب كده».