«دلوقتي ساندويتش ذهب عيار 27 بـ17.999 جنيهًا فقط».. بتلك الكلمات الغريبة أثار أحد المطاعم بطنطا بمحافظة الغربية حالة واسعة من الضجة بين رواد مواقع التواصل الاجتماعي، فالعرض كان مثيرًا للدهشة إلى الحد الذي جعل الكثيرون يتصلون بالمطعم للسؤال عن مكونات الساندويتش الأغلى في مصر وكيفية طلبه.
يحكي محمود طلبة مدير التسويق بالمطعم لـ«» عن حقيقة المنشور الذي أثار الجدل والسعر الخيالي، بأن مواصفات الساندويتش كانت كالتالي «اسمه Golden sandwich، مصنوع من الذهب عيار 27، مناسب لكبار السن وأصحاب البشرة الدهنية، خالي من الكوركومين، متاح بالطلب والحجز المسبق» وأن الأمر لفت انتباه الكثيرين بسبب كونه أول ساندويتش مصنوع من الذهب في مصر.
الساندويتش المصنوع من الذهب ليس الأول من نوعه بل هناك الكثير من المأكولات في العالم تصنع من الذهب ومشروبات أيضًا مثل القهوة بالذهب في دبي: «احنا استوحينا الفكرة من المأكولات اللي بالدهب اللي بره وقررنا أننا ننفذها على صفحتنا وعرضناه على الناس بمواصفات معينة، والموضوع هدفه الدعاية فقط واحنا متعودين ننزل حاجات زي دي كل شهر ضمن خطة التسويق بتاعتنا للمطعم علشان نجذب الناس، ونعمل تفاعل على الصفحة وننشطها، والبوست عامل تفاعل كويس».
ساندويتش ذهب بـ18 ألف جنيه
«في ناس كتير دخلت تسألنا فعلا العرض ده موجود ولا وإيه شروطه».. الإقبال الكبير الذي لاقاه سندويتش الذهب كان سببًا في طلب بعض صفحات المطاعم الأخرى الاستعانة بمنشور المطعم: «لو حد عايزه فعلا عادي ممكن نعمله مش مشكلة خالص، المكونات موجودة هو مش بيبقى الذهب اللي الناس فاكراه، بيبقى عبارة عن قشرة رقيقة من الذهب صالحة للأكل، بتتدهن فوق ساندويتش الفراخ وسعره 17 ألفًا و999 جنيهًا مصريًا ولو حد عايزه يدفع المبلغ ونعمله»، بحسب «محمود».
العرض السابق لم يكن هو الوحيد الذي يقدمه المطعم: «كان في قبل كده برضه سانويتش فرايد تشيكن بالبطيخ ونزلناه في أبريل اللي فات، وناس كتير صدقت ودخلت تسأل فعلا على العرض وعايزاه، وفهمناهم أنه كان كدبة أبريل، والأفكار دايما بتكون مبتكرة شوية، وفي حاجات بتكون للدعاية بس وجذب الانتباه للترفيه فقط».