تجذب المطاعم انتباه الزبائن من خلال العروض المختلفة دائمًا، فمثلا ربما تتيح بعض الأطعمة المجانية إذا اشترى الزبون نوعًا معينًا من المأكولات، ولكن فكر أحد المطاعم بمدينة طنطا بمحافظة الغربية في طريقة مبتكرة وهي تحدي زبائنه والمكافأة 1000 جنيه.
التحدي الغريب جذب انتباه الكثيرين من محبي الطعام، وارتادوا المطعم للسؤال عن التحدي، وربما قابل بعضهم الأمر بسخرية عندما علموا أن التحدي هو تناول ساندويتش في 10 دقائق فقط، ولكن في الأمر سر، يكشفه محمود طلبة، مدير التسويق بالمطعم في حديثه لـ«»: «التحدي مش أي حد يقدر يخوضه أو يكسب فيه هو يبان للناس أنه سهل جدًا، ولكن الساندويتش ليه مواصفات خاصة وبالتالي ناس كتير خسرت التحدي ده».
ساندويتش اللي يخلصه ياخد 1000 جنيه مكافأة
يحكي «طلبة»، أنهم أنشأوا في المطعم تحديا خاصا من نوعه لجميع الفئات: «عملنا ساندويتش اسمه المونستر Monster، ده عبارة عن 5 طبقات من العيش الكيزر وسعره 200 جنيه، والتحدي هنا أن اللي قدر يخلصه في 10 دقايق مش هيدفع حاجة خالص وهياخد كمان مكافأة من المحل 1000 جنيه».
وعن مكونات الساندويتش، فهو عبارة عن 5 طبقات من نوع معين من العيش يعرف باسم «هالك» ويتم خبزه بشكل خاص للمطعم: «أضخم من وأكبر من العيش الطبيعي الموجود في السوق، طبقة الساندويتش الواحدة فيها 3 قطع فراخ ستريبس، فالشخص بياكل 15 قطعة فراخ ده غير العيش والخضار والبصل والصوص»، بحسب حديث مدير التسويق.
الكثيرون اشتركوا في التحدي ولكن في النهاية لم يستطع أحد الفوز بالجائزة، فحجم الساندويتش والمكونات الداخلية تجعل من الصعب على أمهر الأكيلة إنهائه في مدة العشر دقائق الممنوحة، ولكن العرض متاح بشكل أسبوعي كل يوم خميس: «إحنا بنعمل عروض للطلبة والفئات المختلفة، بس الطلبة بأنواعهم بنخصص ليهم توقيتات الذروة بتاعتهم اللي هي من 11 لـ5، وفي عروض تانية للعائلات والأصحاب طبعًا، وعملنا قبل كده عروض للجامعات كل كلية ليها عرض منفصل، وفي تحديات احنا بنعملها كل فترة للناس وفي ناس بتعزم أصحابها عادي».