قبل نحو عام، فكرت عتاب خيرى فتوح، 37 عاماً، الشهيرة بالشيف «توتا»، ابنة محافظة كفر الشيخ، فى استغلال موهبتها بطبخ بعض الأكلات المميزة لدى أبناء المحافظة، والترويج لنفسها إلكترونياً عبر «فيس بوك»، حيث أنشأت جروباً خاصاً بها للتسويق لموهبتها، إلى أن ذاع صيتها وأصبحت من مشاهير السيدات اللاتى يطبخن ويبعن منتجاتهن عبر الإنترنت.
رحلة «عتاب»، لم تكن سهلة فى البداية، حيث أرادت أن تصنع لنفسها اسماً، إضافة إلى مساعدة أسرتها فى مصروفاتها اليومية، وتربية ابنها، «كل حاجة بتبقى صعبة، وقررت يكون ليّا كيانى وأقدر أصرف على ابنى وأشغل وقتى، وكان قرايبى دايماً يقولوا ليا إنى نَفَسى حلو فى الأكل، ففكرت أعمل مشروع أكل بيتى وأبيعه أون لاين علشان أقدر أساعد فى توفير المصروفات، وبعد كدة الناس عرفتنى فأسست جروب علشان أسوّق لمنتجاتى»، تقولها المرأة الثلاثينية ناصحة السيدات ببدء مشروعاتهن الخاصة بهن.
«محشى، شوربة، عدس، حمام، فراخ، أرز، لحوم»، أبرز أكلات «توتا»، وتبيع المأكولات بـ«الأوردر» عبر جروبها أو عن طريق رقم الهاتف: «الناس لما عرفتنى وتذوقت أكلى بقوا بيطلبونى بالاسم، وأبرز حاجة بحبها هى المحشى بكل أنواعه، سادة ومشكل ومعاه الفراخ المحشية والمحمرة، وكمان شوربة العدس والحمام، الأكل كله حلو وببيع أون لاين، وبستنى طلبات الزبائن على الجروب أو التليفون، والناس بتتبسط من الأكل لأنه بيتعمل بمكونات كلها تفتح النفس زى السمن البلدى والبهارات المميزة».
لا تتمنى السيدة الثلاثينية سوى أن يكبر مشروعها وتفتتح مطعماً لتشغيل الفتيات: «نفسى مشروعى يكبر، ويبقى ليّا مطعم أشغل فيه الفتيات والستات، وأعلمهم أصول الشغلانة وسر خلطات الأكلات المختلفة».