شغوفة بأنواع الفنون المختلفة، وحققت حلمها بالالتحاق بكلية الفنون الجميلة، وبعدما تخرجت «نسرين» من الجامعة تزوجت وأصبحت ربة منزل، ومن ثم انشغلت بتربية أبنائها، لكنها سرعان ما فكرت في استغلال وقت فراغها للتعبير عن موهبتها، تحقيقا لذاتها.
هدايا «الكريسماس» على ذوق «نسرين»
تحكي نسرين نبوي، 39 عاما، من محافظة القاهرة، عن حبها للفنون التشكيلة وتخصيصها وقتا من يومها لممارسة فن «الهاندميد»، قائلة: «بحب شغل الهاندميد لأنه بيعبر عني، أحيانا باجي أشتري شغل زينة في أي مناسبة سواء أعياد ميلاد أو رمضان أو راس سنة مابلاقيش الحاجات اللي أنا متخيلاها، فبقيت أتعلم الهاندميد عشان أنفذ الحاجة اللي في خيالي، واتجنب شرا الحجات التقليدية، جيت السنادي قولت هعمل شغل الكريسماس، واشتريت الخامات من شهر، وبدأت اشتغل واجهز للموسم».
يحتوي كل صندوق على تشكيلة مجمعة من الهدايا المختلفة بحسب رغبة كل عميل، كما روت «نسرين» في حديثها لـ«»: «بيبقي بوكس فيه باكدج عبارة عن مج ومعلقة وشمعة عطرية، وطبعا بحط شوية هدايا وشوكلاتات للعملا، المجموعة دي أخدت مني أسبوع شغل، وعاملة حوالي 450 جنيه، ومجموعة تانية فيها فنجانين بطبقين ومعلقة، والشمعة العطرية دي أساسي لأنها مرتبطة بالكريسماس، البوكس دا بـ550 جنيه، لأنه فيه عدد قطع أكتر، وقعدت أعمله في 10 ايام، كل الشغل دا بيترسم عليه بابا نويل أو العكاز بتاعه أو بطريق وهكذا».
مشروع غير ربحي
المشروع لا يهدف للربح، لكن «نسرين» تشعر بسعادة وهي تقتنص من يومها وقتا لتنفيذ فكرة جديدة: «الموضوع مش مشروع ربحي قد ما هو تسلية وقت فراغ، بحس بمتعة وأنا بتفرج على حاجة أنا مصمماها بإيدي، ببقي ببيعها للعميل وأنا منتظرة أول رد فعل منه، ودايما شغوفة بإني أبتكر أشكال وأفكار جديدة مع كل مناسبة، كل سنة لازم شغل مختلف عن السنة اللي فاتت، عشان أخلي العميل يثق فيا ويبقي منتظر شغلي، وعارف إني هعمل حاجة مختلفة، بقالي 3 سنين شغالة في الهاندميد.
وتؤكد نسرين نبوي: «رغم إن الخامات غالية هفضل مستمرة فيه، حتى لو مش بيحققلي ربح بيحققلي متعة شخصية وبيخليني مبسوطة».
صناعة الأطباق والفناجين من مادة الصلصال الحراري
تستخدم «نسرين» مادة الصلصال الحراري، في تنفيذ الأطباق والفناجين، نظرا لسهولة تشكيله: «الصلصال مادة طيعة كدا، بتتشكل بالإيد، وبعد كدا يدخل الفرن نص ساعة على درجة حرارة 130 عشان ينشف ويمسك نفسه، بقدر أعمل منه كل اللي نفسي فيه من ديكورات وأدوات شخصية، بشتريه مكعبات ملونة وبقدر أنحته وأحط فيه لمساتي الفنية، وبعد كدا يتزين بصوف وفيونكات عملاها بإيدي برضه، ميزة الصلصال دا إنه ضد الكسر يعني حاجة عملية تقعد لفترة طويلة».