قال الدكتور طارق إلياس، خبير التنمية البشرية وتعديل السلوك، إن هناك ضغوطات نفسية يتعرض لها الأفراد، نتيجة الضغط الدائم من أشخاص آخرين يضعون أمامهم مصلحتهم الشخصية أولًا: «بتلاقيه بيضغط عليك علشان تدعمه وهو مبيدعمش».
إلياس: من يمثلون ضغط في حياتك يجب الابتعاد عنهم
وأضاف «إلياس»، خلال استضافته ببرنامج «8 الصبح»، المذاع على فضائية «DMC»، أن هؤلًا الأشخاص، يجب التخلص منهم؛ نظرا لما يمثلونه من عبء دون ناتج، كما يعطلون الفرد من أشياء عدة في حياته العملية، «بيكون شكل من أشكال الاعتمادية، بيعتمد على حد يدعمه حتى لو بالكلمات أو الجمل».
وأوضح خبير التنمية البشرية، أن النجاح في العمل أو الحياة الأسرية، ضغط محبب للبعض؛ لأن هناك نوعية من الناس يلمعون وهم تحت ضغط دائم، وفي حال زال هذا الأمر ينطفئ نجمهم، «هما مش بيحبوا كده، هما عايزين ياخدوا مساحات كبيرة وبيكونوا قد التحدي ده، ومش بيحبوا يكون عندهم دوار ثانوية، وبيحبوا يكونوا أبطال في أدوارهم».
وأكد أن الشخصية النرجسية هي من تعشق نفسها بطبعها، ودائما ما تحب أن يعطيها الأفراد الاهتمام بشخصيتها وعدم انتقادها أو التقليل مما ينجزونه، «مينفعش تنتقديه وتديله الاهتمام بشخصيته ومتغيريش حاجة فيه، ودايما قولي أن فيه حاجة بتعجبك فيه مش فيه حاجة مبتعجبكيش، ولو حبيتي تقولي أنا متضايقة من الحاجة الفلانيه هتلاقي شخصية حادة جدا قدامك؛ لأن الشخصية النرجسية شايفة نفسها أفضل الشخصيات على الإطلاق، ومن الأفضل نقنن العلاقة معاهم».