12:07 ص
الثلاثاء 22 مارس 2022
كتب- حسن مرسي:
أكد الإعلامي عمرو أديب؛ أن القرارات الاقتصادية التي اتخذها البنك المركزي المصري لمواجهة الأزمة الاقتصادية تستهدف مواجهة التضخم والتصدي للأزمة الحالية، متابعًا: “انا شفت الحزم الاجتماعية اللي أعلنت عنها الحكومة، لكن ارجوكم لا تنسوا القطاع الخاص المشغل الأول في مصر”.
وتابع أديب، خلال برنامجه “الحكاية”، المُذاع عبر فضائية “mbc مصر”، مساء الاثنين: “الملايين الأكتر بيشتغلوا مع القطاع الخاص والقطاع الخاص دة انت مش هتعمله أي حزمة؟ الراجل اللي عنده شركة أو مطعم أنت الناس دي هتعملها ايه؟”.
وأضاف مقدم “الحكاية”: “لما الراجل دة تحصله مشكلة أول حاجة بيعملها أنه يقلل العمالة ويبتدي الدخل يقل أنت لازم تعمل حزمة للقطاع الخاص الراجل دة اللي مشغل الناس لو ادايق أو حس بخنقة هيقلل في حاجات معينة أولها الناس تقعد في البيت”.