تصدرت لغة جسد محمد صلاح، محركات البحث، إذ تتجه أنظار عشاق الكرة المصرية، صوب محمد صلاح، نجم ليفربول الإنجليزي، لمشاهدة ردة فعله القوية المنتظرة في مباراة مصر وغينيا، باعتبارها أول مباراة رسمية له بعد خسارة دوري أبطال أوروبا أمام نظيره ريال مدريد الإسباني.
تحليل لغة جسد محمد صلاح
وكشفت رغدة السعيد، تحليل لغة جسد محمد صلاح، خلال حديثها لـ «»، أن الدولي المصري يمتلك شخصية بصرية، بيتحرك بلغة جسده وانفعلاته بتظهر عليه، مضيفة: «صلاح عنده لزمة بيعملها كتير اللي هي الإيد على الدقن، دي اسمها لزمة أو منطقة راحة وفي لغة الجسد لا تقرأ، وإنما في بعض الأحيان لما حد بيعملها وبتكون مش عادة عنده بتكون حالة إنكار للذات».
اقرأ أيضًا.. 3 طرق سحرية لـ مشاهدة مباراة مصر وغينيا.. اتفرج من الموبايل والتلفزيون
«صلاح محترف ومهني وثقته في نفسه هتفاجىء الجميع في الماتش بعودته السريعة وعدم تأثره بالخسارة الأخيرة»، بحسب الدكتورة رغدة السعيد، خبيرة لغة الجسد: «صلاح وسط الماتشات بيبقى محترف ومهني مهما كانت النتيجة، وبيحفز الناس واللعيبة عشان تتحرك معاه، في ناس ممكن تشوفه متواضع وناس بتشوفه متكبر، لكن هو مش متكبر هو عارف قيمة نفسه وبيضايق لما تبقى الناس مش عارفه قيمته».
وتابعت: «دا مش تكبر دي ثقة في النفس، صلاح من كتر ما هو محترف ومهني بدأ يستخدم الحركة اللي هي بيداري شفايفه أو يحط إيديه على فمه وهو بيكلم زمايله ودا لأن في ناس ممكن تقرأ الشفايف أو الوشوش بالإنطباع، كلام معين ممكن يتفهم يعتبر سر أو تكتيك لعب ميصحش يبقى ظاهر».
لغة جسد صلاح معظمها إيجابي
وأكدت «رغدة»، أن لغة جسد صلاح معظمها إيجابي إلا عندما يتعرض للخذلان وقتها عينيه بيبان عليها، ونبرة صوته بتبقى أهدأ وأبطأ، صلاح عنده حياء وخجل جامد جدا مهما حاول يداريه بيظهر في عينيه لما بيكون حد بيتكلم معاه في حوار مباشر.