داخل محل صغيرة بمحافظة كفر الشيخ يجلس شاب ثلاثيني من ذوي الاحتياجات الخاصة على كرسي متحرك وبجانبه حقيبته التي يضع بها كروت الشحن المختلفة التي يحاول أن يبيعها من أجل توفير قوت يومه.
استطاع «يونس عبد الحليم» أن يقهر الظلام ويتحدى الظروف، إذ قام بتأجير محل صغير يبيع من خلاله كروت الشحن والهواتف المحمول المستعملة وأيضا الأدوات الخاص بالهاتف المحمول: «أنا فضلت أحوش فلوس مع نفسي لغاية لما كونت رصيد وفتحت المحل الصغيرة وبقيت أبيع كروت الشحن والتليفونات المستعملة وكل حاجة».
بداية فتح «يونس» لمشروعه الصغير
منذ 6 سنوات، فتح «يونس» مشروعه الصغير، حيث يبدأ رحلته اليومية من الساعة 8 صباحا وحتى الساعة 10 مساء: «باجي أفتح المحل هنا من الساعة 8 الصبح وبفضل مستني رزق ربنا»، لافتا إلى أنه يعمل بمفرده داخل المحل دون مساعدة أحد: «أنا اللي بشحن الرصيد للزبائن وبدير المحل لوحدي من غير ما حد يساعدني».
«يونس» يعافر من أجل توفير قوت يومه
رغم أن الشاب الثلاثيني من ذوي الاحتياجات الخاصة ويجلس على الكرسي المتحرك، إلا أنه لم يمنعه هذا أن يعيش حياة طبيعية مثل غيره وكما أنه ما زال يعافر من أجل توفير قوت يومه: «مفيش حاجة اسمها مستحيل واللي عاوز يعافر ويشتغل هيشتغل ومفيش حاجة هتوقفه».
قام جميع أهالي المنطقة التي يعيش بها ابن محافظة كفر الشيخ بتشجعيه ودعمه في استكمال مشروعه الصغير: « الناس كلها هنا بتحنبي وبتشتري مني كروت شحن وموبايلات وأنا ده يكفي بالنسبة ليا»، متمنيا أن يستمر هذا الود بينه وبين أهل منطقته: « أنا مش عاوز حاجة تاني من الدنيا غير أني الناس تفضل تحبني عشان ده عندي بالدنيا»، موجهه نصيحة للشباب:« بقول للشباب مفيش حاجة اسمها مفيش شغل ولازم تتعب وتعافر عشان لقمة العيش».