6 سنوات مرت على وفاة الفنان صلاح رشوان، الذي رحل عن عالمنا يوم 20 فبراير بعد معاناة مع المرض، مقدما طول حياته مسيرة فنية كبيرة تخللها العديد من الأعمال، وكانت غالبا أدواره الإنسان المستقيم.
لمحات عن صلاح رشوان
وعن حياة صلاح رشوان مع عائلته، كشفت عنها زوجته، وابنته «باكينام»، خلال ظهورهما في برنامج «من مصر» عبر فضائية CBC عام 2020: «صلاح كان دايما بيحب أسرته، أهم حاجة عنده كانت أولاده وبيته، وكان زي أي واحد بيشتغل يروح الشغل ويجي وملوش أي علاقة بأي حاجة تانية، لو راح يمثل يرجع وملوش أي علاقة بالفن ولا الوسط ولا أي حد، شغله غير حياته، ومكنش بيدخلنا في شغله خالص».
ابنة صلاح رشوان تتحدث عن والدها
باكينام ابنة صلاح رشوان، قالت عن والدها: «لو قعدت اتكلم عن صلاح رشوان الأب مش هبطل وهقعد اتكلم سنين عنه، لكنه ببساطة كان عبادة العقاد في المال والبنون، ورفقي عزيز في الدالي، هو الأب ده، الأب التقي جدا، اللي بيحب أولاده جدا، وحنين جدا.. كان أحن أب في الدنيا وجواه طاقة كبيرة».
وعن الدور الذي مثّل له تحد في حياته؛ كشفت ابنته: «التحدي الحقيقي في أدواره كان في الخواجة عبد القادر، هو كان في المستشفى قعد 40 يوما، وكان صور قبل ما يدخل المستشفى أسبوع، وبعد ما خرج كمل تصوير المسلسل كله وهو مركب قسطرة، وده كان حاجة صعبة ومؤلمة جدا، وده يثبت قد إيه هو كان بيحب عمله وملتزم جدا».
وتوفي الفنان صلاح رشوان، 20 فبراير 2017، بسبب معاناته مع مرض السرطان، حيث كان يتلقى العلاج في العاصمة الفرنسية باريس.