أمام كلية الصيدلة جامعة جنوب الوادي، وقف مجموعة من الطلاب في صفين، ونظموا ممرًا شرفيًا للاحتفاء بزملائهم، نظرًا للمجهودات التي قاموا بها في سنوات الدراسة، نوعًا من رد الجميل لهما، وقدموا لهما هدايا في آخر أيام الامتحانات بالكلية.
ممر شرفي من طلاب صيدلة جنوب الوادي
وظهر طلاب كلية الصيدلة بجامعة جنوب الوادي يرتدون «تيشرتات» التخرج في مقطع فيديو على مواقع التواصل الاجتماعي، وكانت علامات السعادة والفرحة تسيطر عليهم عندما نظموا الممر الشرفي لزملائهم: «صحابنا الاثنين اللي كرمناهم تعبوا معانا جدا من سنة أولى جامعة، وكنا لازم نكرمهم على تعبهم معانا»، بحسب ما ذكره «محمود أبو الفتوح» طالب بالدفعة الخامس والمسؤول عن فريق الدفعة في حديثه لـ«».
رد الجميل
أراد الطلاب أن يردوا الجميل لزملائهم لتعبهم معهم أيام الدراسة، فقرروا جمع المال لشراء هدية لهما، إضافة للممر الشرفي: «بما أني ليدر الدفعة فقولتهم عاوزين نلم فلوس عشان نهدي زمايلنا دول هدية، وفعلا لموا الفلوس وكنت مسؤول أني أخد كيرلس وعبده لحد لما زمايلي التانين يلموا باقي الدفعة ويدوهم الهدية».
الخدمات التي قدمها الطالبان لزملائهم
خدمات مختلفة قدمها الطالبان لزملائهم منها جمع الملفات الدراسية وأيضا «السكاشن» وتلخيص المحاضرات: «زمايلنا دول كانوا عاملين ملف درايف لكل ترم فيه كل المواد، وكل مادة متقسمة لنظري وسكاشن جوه الملف ده ولو فيه أي شيت علينا بكرة مثلا بيكونوا ملخصين السكشن بالأسئلة بتاعتها عشان نعرف نحل».
الشعور بالفرحة والسعادة
حالة من الفرحة والسعادة سيطر على جميع الطلاب أثناء تقديمهم الممر الشرفي: «كانت أول مرة الدفعة تجتمع على شعور واحد إننا كلنا مبسوطين وفخورين بيهم، وممتنين ليهم جدا، وكانت حاجة بسيطة قصاد الحاجات الكتيرة اللي عملوها»، بحسب محمود، متمنيًا التوفيق لكل زملائهم في حياتهم المهنية.