أكثر نكت مضحكة بالعربية –

هل تشعر بالحزن؟ هل تمر بيوم عصيب وتحتاج إلى تغيير حالتك المزاجية؟ إذا كانت إجابتك بنعم فننصحك بمتابعة
القراءة للسطور التالية، فسوف نقدم لكم أكثر نكت مضحكة بالعربية مكتوبة.

نكت مضحكة بالعربية

• سواق تاكسي ماشي.. وقفه واحد لابس أصفر في أصفر، وقاله أنا الفرفور الأصفر ممكن توصلني؟
  فسابه ومشي، وبعد شوية لقى واحد لابس أحمر في أحمر وقال للسواق أنا الفرفور الأحمر ممكن توصلني؟
  سابه ومشي.. وبعد شوية لقى واحد لابس أبيض في أبيض قاله أي أنت الفرفور الأبيض!
  رد عليه قال فرفور طب هات الرخص يا شاطر.
• اتنين صحاب واحد حرامي وواحد ندل واتفقوا كل واحد يعلم التاني صنعته، فراحوا الاتنين مع بعض اتوبيس وقام الحرامي سرق محفظة من راجل وبص لصاحبه وقاله اتعلمت السرقة؟ قاله أة، فرد عليه التاني يلا علمني الندالة بقا قاله عنيا.. ونادى على الراجل وشاور على صاحبه وقاله الراجل دا سرق محفظتك.
• كان هناك شخص يرغب في إعطاء أولاده نصيحة بأن يظلوا بجانب بعضهم،
  ولا يفترقوا أبدًا فلا أحد يستطيع كسرهم عندما يتحدوا، فقام بإعطاء ابنه الكبير
  عود واحد من الخشب فقام بكسره، ثم أعطاه اثنين فكسره، وبعد ذلك أعطاه ثلاثين من أعواد الخشب
  فقام بكسرهم.. أيضًا فقال لهم الأب لا تخافون ما دام هذا الهرقل يعيش معكم بعد وفاتي.
• واحدة راحت تشتري ببغان، فقالها الراجل أن الببغان دا مسلي جدًا، لما ترفعي رجليه الشمال هيغنيلك عمرو دياب ولما تيجي ترفعي رجليه اليمين هيغنيلك وائل جسار، فسألته طب لو رفعت رجليه الاتنين مع بعض؟
  فرد عليها الببغان كدا هقع يا غبية.
• واحد فتح محل بيع فراخ فجاله مفتش التموين يسألوا أنت بتأكل الفراخ أيه؟ قاله قمح.. فرد عليه وهو في حد لاقي قمح اليومين دول؟! وخلاه يدفع غرامة 100 جنية، وتاني يوم جاله سأله نفس السؤال وجاوب عليه أنه بيأكلهم رز.
  فقاله وهو في حد لاقي الرز علشان نأكلوا للفراخ؟! وخلاه يدفع غرامة 100 جنيه
  جاله مفتش التموين تالت يوم قالوه بص يا باشا أنا أديت كل فرخة جنيه علشان تشتري اللي هي عايزاه.

نكت مضحكة قصيرة

• واحد سأل صاحبه عارف أي هو أوفى مخلوق على الأرض؟ فقاله الكلب!
  رد عليه قاله لا النملة اللي مات جوزها الفيل.. وفضلت طول حياتها تدفن فيه.
• قبضت الشرطة على واحد غبي علشان بيزور الفلوس.. فقالهم عرفتوا منين أني بزور الفلوس،
  فقاله وهو في ورقة واحدة 65 جنيه مصري يا أحمق.
• مدرس رياضيات تزوج من مدرسة رياضيات.. وكان ناتج هذه الزيجة هي طفل متساوي الساقين.
• سأل مدرس تلاميذه في الفصل ماذا فعل الرومان بعدما تخطوا البحر الأبيض المتوسط؟
  فرد عليه تلميذ أنهم ظلوا واقفين حتى يستطيعون تجفيف ملابسهم المبللة.
• واحد قال لسواق التاكسي حدايق القبة فرد عليه السواق وقاله طب ليه كدا يا صاحبي عايز تضايقها ليه!
• واحد كان بيتكلم مع صاحبه، وقاله أنت عارف أن في 3 أنواع من الهم.. فرد عليه أيه هما؟
  فقال في هم يبكي وهم يضحك وهم يا جمل.
• واحد غبي قاعد يزعق لفرخة ويقولها هو كل يوم تنزلي بيض أي مفيش مرة تنزليلي جبنه.
• سأل معلم التلاميذ من أين نقوم باستيراد الشاي؟… فرد عليه الطالب من عند أحد الجيران.
• واحد مسطول لقى واحدة ست ماسكة فيها النار فراح قالها منورة يا حجة.
• واحد بخيل جدًا ففي يوم اتعورت إيده وفضلت تنزل دم فصاحبه قاله أوديك للدكتور؟
  قاله لا أنا عايز حد يشترى الدم دا.
• واحد غبي بيلعب بالقنبلة وبيحدف من ايدة اليمين لايده الشمال فجي واحد تاني يقوله خلي بالك لتنفجر فيك،
  فرد عليه متخافش يا عم أنا معايا واحدة تانية.

إلى هنا نكون قد وصلنا إلى ختام مقالنا اليوم، ونتمني لكم أوقات سعيدة مليئة بالضحك.