قالت مريم علي، أول وأصغر مرشحة مصرية لانتخابات بلدية روما، إنها تبلغ من العمر 20 عاما، وولدت في إيطاليا لوالدين مصريين، وتقيم وتدرس في إيطاليا، «أنا بنزل مصر كل سنة، ومحافظة على لغتي العربية ومحافظة على هويتي والبلد اللي جيت منها».
مريم: أنا أصغر مرشحة تخوض الانتخابات في روما
وأضافت «علي»، خلال مداخلة لها عبر الفيديو ببرنامج «الحياة اليوم»، الذي تقدمه الإعلامية لبني عسل، على فضائية «الحياة»، اليوم الأحد، أنها وبعدما دخلت لقلوب الإيطاليين تتنافس حاليا على انتخابات بلدية روما، وهي أصغر شابة تخوض الانتخابات على بلدية روما، «أنا بدرس حقوق في سنة تالتة».
مريم: تقدمي للانتخابات دافع للشباب
وأوضحت أن خوضها لتلك الانتخابات يأتي من خلال شجاعتها ورغبتها في خوض الطريق الصعب، الذي سيكون مفيدا لها مسقبلا، «أنا مافكرتش في الموضوع ده بطريقة سيئة، علشان أنا عارفة إنه هايجي من وراه حجات كويسة، وهيكون دافع للشباب والبنات العرب والأجانب إنهم ياخدوا الشجاعة ويدخلوا الانتخابات ويعملوا الخطوة الصعبة».
وأكدت أنها ستخوض الانتخابات على بلدية روما، وهي ترتدي حجاب للرأس، «لازم نوصلهم الفكرة الكويسة والصحيحة عننا، والإسلام والعالم العربي مش بيقولنا مندخلش انتخابات أو متدرسوش، ودي خطوة بتحسن المعني والمفهوم ده».
وتابعت: «أنا فخورة ببلدي وأصلي وديني واللي بلبسه، ويجب على الشباب من المصريين بالخارج الحفاظ على هويتهم المصرية والعربية، ونفسي اللي عملته يكون نقطة بداية وهتنتهي بنتيجة كويسة إن شاء الله».