حالة من الحزن انتابت أسرة وأقارب عمرو عريبة، بعد أن فارق الحياة مع زوجته، وهما في ريعان شبابهما، إثر انقلاب سيارة ملاكي بهما على طريق شرم الشيخ الدولي، خلال عودتهما من شهر العسل.
وتحولت فرحة أسرة الشاب عمرو عريبة إلى دموع من البكاء حزنًا على رحيلهما، ما دفع متابعيه على السوشيال ميديا إلى البحث عن منشوراته السابقة لتذكر كلماته قبل وفاته، لذلك نقدم لكم أول فيديو لـ «عمرو» عريس الإسماعيلية، خلال التقرير التالي.
أول فيديو لـ عمرو عريس الإسماعيلية المتوفي مع زوجته
وظهر عمرو عريبة في مقطع فيديو مؤثر يقدم فيه نصائح للشباب من داخل سيارته أثناء قيادتها، يوم 10 يونيو الماضي، قائلا: «شوية بوستات كده الناس بقى اللي شايفه أنها بتقدم حاجات كبيرة قوي للناس وأنهم بيعملوا لصحابهم حاجات محصلتش وشايف عدم تقدير، المشكلة عندك أنت على فكرة مش عند الناس، أنت اللي مبتعرفش تفرق تقدم للناس إيه ومتقدملهمش إيه، وأنت بتعامل الناس قدملهم على قدر احتياجاتهم مش على قدر ما تستطيع أنت، متروحش تقدم لناس حاجات هما مش محتاجينها، يعني متروحش ترهق نفسك بدنيا وعصبيا ويمكن ماديا، علشان تقدم للناس حاجات هما مش عايزنها ولا محتاجينها، يعني قدم للناس على قدر احتياجاتهم».
عريس الإسماعيلية المتوفي: نحن ضحايا أنفسنا
وأضاف «عمرو»: «ساعات بتقدم حاجة للناس أنت شايف أنها كبيرة جدا جدا، لكن هي مش أقصى طموحاته ولا الهدف الأساسي للي هو عايزه فقدم للناس على قدر احتياجاتهم، ودايما قول لنفسك علشان تبدأ تخف من اللي أنت بتعمله ده، نحن ضحايا أنفسنا، أحنا مش ضحية حد، المهم قول لنفسك إن الناس مبتظلمكش أنت اللي مش عارف تقدملهم إيه صح».