سوق الجمعة موقع عجيب لعرض بضائع غريبة ولا تتكرر، ويشتهر بأنه قبلة تجار الحيوانات والطيور غير العادية، ومن أغرب وأغلى المعروضات في هذا السوق، فرشات بيع حمام الزينة، التي يُعرض فيها حمام يصل سعره إلى نحو 20 ألف جنيه، وارد إلى مصر من دول أوروبية عديدة ومختلفة مثل ألمانيا وبلجيكا.
ماجد البربري، تاجر وغاوي حمام، يسافر من الإسكندرية إلى القاهرة، حيث سوق الجمعة، كل أسبوع ليعرض الحمام، وفي بث مباشر عبر صفحة «» على موقع التواصل الاجتماعي «فيس بوك»، يشرح أبرز وأغلى وأغرب أنواع الحمام التي يعرضها في فرشته التي تعد من بين الأغرب والأغلى في السوق.
حمام «الجاكوفين» أو النمساوي
يبدأ عرض «البربري» مع حمام «الجاكوفين» أو النمساوي، ويقول عنه: «بيدي منظر جمالي، بنشتريه عشان شكله، سعره من 2000 جنيه لغاية 10 آلاف جنيه، على حسب لو داخل معرض وواخد جايزة، وعلى حسب تقييمه اللي بيكون درجات من شكله، وكمان كل ما كان ريشه مقفول وقافل على وشه زاد السعر، وطول الريش وطول الرجل، كل دا عليه درجات».
أما «البخاري دبل كريست»، فهو «نوع من أنواع حمام الزينة، بتتربي في البيت وتتسيب في الأرض ومش بتطير، بتدي منظر جمالي، سعرها يتراوح بين 3000 إلى 7000 جنيه»، غير «الأوزبك»، الذي يتراوح سعره بين 1500 و5000 جنيه على حسب المواصفات.
حمامة «لونج فيس وايت سايد» يصل سعرها إلى 30 ألف جنيه
أغلى أنواع الحمام في فرشة «البربري» حمامة اسمها «لونج فيس وايت سايد»، سعرها يتوقف على مواصفاتها: «لو كتفها أبيض، الجوز بيوصل سعره لغاية 20 و30 ألف، إنما لون لونها سادة فده بيعمل من 3 إلى 4 آلاف جنيه».
ويستعرض البربري حمام زينة آخر في فرشته: «نوع اسمه بطريق، ميزته إنه بيهز الرقبة كويس، كل ما يهز كويس تكون مواصفاته وسعره أعلى، جاي من بلجيكا، وسعره من 2500 إلى 3000، وفي بول ريد، سعره من 2000 إلى 7000 جنيه على حسب المواصفات واللون، وكمان حمام الكلر ريد تمنه من أول 2000 إلى 3000 جنيه ، على حسب العظم والمنقار، وحمام فانتازيا، عينه لونها أبيض، بيمزيها إنها بتطير بشكل جميل، بتطير زي اللي بيستعرض».
الاختلاف بين مربيي الحمام في مصر وأوروبا يتوقف على الأهداف، وبالتالي «في الدول الأوروبية بيربوا الحمام كمنظر جمالي، عندنا بنعتبره مشروع بيعمل دخل، وعشان تطلع منه زغلول لازم يتقص ريشه، عشان الخصوبة تكون كويسة».