صندوق متوسط الحجم يحتوي على كمية من الخضراوات والفواكه مختلفة الأشكال وال، وضعه «حسين» أمام متجره، الذي يبيع فيه نفس البضاعة، ووضع عليه لافتة مكتوب عليها: «صندوق الخير.. شارك معانا»، بغرض مساعدة المحتاجين للحصول على هذا الطعام بالمجان.
أطلق هذه المبادرة حسين محمد، أحد تجار الفاكهة في محافظة سوهاج: «لما لاحظت ظروف الناس بدأت أفكر أساعدهم بأي حاجة، فحطيت صندوق قدام المحل، ولما الناس بتسأل بعرفهم إن ده صندوق للي عايز يتبرع»، هكذا شرح البداية الأولى للمبادرة كما روى لـ«».
«الناس لما عرفت الفكرة بدأت تجبلي مبالغ كبيرة»
يضيف صاحب متجر الفواكه أن مبادرته لاقت إقبالًا كبيرًا من أهل بلدته: «الناس لما شافت الصندوق بعتولي مبالغ عشان أكبره، وبقوا يجبولي فلوس أشتري بيها خضار وفواكه للمحتاجين»، لم يكتفِ «حسين» بما يجمعه من الناس من تبرعات لهذا الصندوق، ولكن جعل من متجره مساهما في هذه المبادرة أيضًا: «أول ما البضاعة بتقل في الصندوق بحط من عندي، ونزلت أرقامي على الفيسبوك عشان لو حد طالب حاجة من الصندوق أوصلهاله لحد البيت».
«وزعت بـ6 آلاف جنيه من يوم ما بدأت»
«يوميا في ناس بتجي تديني فلوس للصندوق، ووزعت سلع بأكتر من 6 آلاف جنيه من يوم ما بدأت المبادرة»، وكان الشاب الثلاثيني أطلق مبادرته منذ حوالي 15 يومًا بوضع السلع كما هي داخل صندوق: «دلوقتي بعبيهم في كل كيس حوالي 2 أو 3 كيلو، وبحطهم قدام المحل، أي حد محتاج بيجي ياخد اللي هو عاوزة».
طبق الفاكهة بـ5 جنيهات
ليست هذه أولى المبادرات التي أطلقها ابن محافظة سوهاج، بل دشن قبلها مبادرة باسم «طبق الفاكهة بـ5 جنيهات»، بغرض جعل طلاب المدارس يقبلون على شراء الفواكه والغذاء الصحي بدلًا من شراء شرائح البطاطس المقلية، والتي تحتوي على الكثير من المواد الحافظة الضارة: «من أول ما بدأت أنفذ فكرة طبق الفاكهة، بقيت أبيع في اليوم أكتر من 200 طبق فاكهة، وبدأت الناس تجيلي من مناطق بعيدة، وكتير منهم بدأ يحجز لأبنائه عشان المدرسة».