ضجة كبيرة أثارها الفنان الكوميدي محمد هنيدي، عبر صفحته الشخصية على السوشيال ميديا كعادته في إدخال البهجة على متابعيه، وجاءت هذه المرة بمشروع القرن الذي أعلن عنه بشكل ساخر، ليتضح في النهاية أنه كلسون للرجال من أجل نزول الشاطئ به.
بداية مشروع القرن لـ محمد هنيدي
وبدأ محمد هنيدي، حكاية مشروع القرن بمنشور تشويقي عبر صفحته الشخصية على موقع التواصل الاجتماعي، طالبًا فيه المساعدة من المتابعين، قائلا: «عايزكم تقترحولي مشروع كده اعمله من المشاريع اللي بتيجي فكرتها للواحد وهو قاعد على القهوة وبيضرب شاي نعناع ومعاه إزازة المياه المشبره من فلتر حنفية القهوة».
وبعد ساعات، عاد للحديث مرة أخرى عن مشروعه المنتظر: «خلاص استقريت على مشروع اللي هيكون أهم مشروع في القرن الـ 21.. وهعلن المشروع اليوم الساعة 9 و11 دقيقة مساء بتوقيت شارع الجمهورية في المنصورة».
محمد هنيدي يعلن عن مشروعه: وداعا للكسوف
وأعلن «هنيدي» عن مشروع القرن، قائلا: «لكل الرجالة والشباب اللي كانت بتتمنع أو بتتكسف تنزل الشواطئ بكلسوناتها، قدرت أحل المشكلة وأحولكم الكلسون لبراند، هتقدر تنزل بيه 177 شاطئا في مصر من أفخم الشواطئ، محدش هيقدر يمنعك ولا يتريق عليك لأنك لابس براند بـ6 آلاف جنيه، يشمل الدخول لكل الأماكن الغالية والشواطئ والفنادق اللي فوق 50 ألف جنيه في الليلة».
وأضاف: «ممكن تدخل بيه من بوابات مارينا بدون ماحد يكلمك.. أول ما يشوفوا الكلسون هيدخلوك على طول، متوفر بكل الوالطيف.. ناقصه لون»
سر مشروع القرن
وكشف «هنيدي» سر مشروع القرن الخاص به، خلال التعليقات، قائلا: «طبعا الكلام هزارألبسوا اللي تحبوه في أي مكان عايزينه.. مش لازم تلبس حاجة غالية عشان تعجب الناس ويقولوا ده ابن ناس.. واللي يحكم عليك بلبسك بيبقى عقله أصغر من عقل بسيط في كارتون سبونج بوب مع الاعتذار لبسيط».