تشتهر دمياط بأنها محافظة صناعية، وهي الأولى في مصر بالنسبة لإنتاج الأثاث والأخشاب، وبعد ارتفاع أسعار الموبيليا أثر ذلك على اقتصاد المحافظة، وقدوم فصل الشتاء يؤدي إلى ركود تام في بيع الموبيليا، نتيجة لذلك قرر أحد تجار الأخشاب في دمياط إطلاق مبادرة جديدة بعنوان «زورنا في دمياط».
يحكي علي الشامي، مؤسس المبادرة، عن تفاصيلها لـ«» قائلًا أن مبادرته تهدف إلى تشجيع المقبلين على الزواج لشراء المنتجات والموبيليا خلال أيام فصل الشتاء نظرًا لانخفاض سعرها: «نفسي الناس اللي هيتجوز أو اللي عايز يجدد بيت ييجي دمياط في فصل الشتاء، لأن الأسعار بتكون رخيصة والحالة بتكون واقفة».
ركود البيع والشراء.. وانخفاض السلع: فرصة ذهبية
ركود حالة البيع والشراء في دمياط تؤدي إلى انخفاض أسعار السلع، بحسب «الشامي»، لذا يعد فصل الشتاء من أفضل الفترات التي يمكن للشخص الاستفادة منها: «صاحب المعرض بيكون عايز بضاعته تخلص وميركنهاش فببيع بأقل الأسعار، عشان كدة لو عاوز أخشاب نضيفة وبسعر رخيص شوية تعالى في الشتاء».
المبادرة ليست مقتصرة على الأخشاب والموبيليا فقط
مبادرة «الشامي» ليست مقتصرة على الأخشاب والموبيليا فقط، وإنما ترتبط بالحرف الأخرى المتشعبة من تجارة الأخشاب في دمياط: «لما جينا نبدأ المُبادرة مفكرناش في الأخشاب بس، لأن فيه حرف كتير تابعة ليها زي بتاع القزاز والمِنجد والاستورجى، كل المهن دي تبع تجارة الأخشاب، وبرضه بتعاني من الركود في الشتاء».
الفترة المقبلة هي فترة دخول المدرس، لذا بدأت الحملة في تشجيع الجميع على شراء أثاث دمياط: «خلال فترة الدراسة الناس بتتوقف عن الشراء، وبتبقى مشغولة بملابس ومصاريف المدرسة ده غير الدروس، عشان كدة أطلقت الحملة قبل المدارس لأننا داخلين على موسم ركود».