يعد الدجاج أحد الوجبات الأساسية لدى ملايين الأسر المصرية، فبجانب فوائدها المتعددة واحتوائها على البروتين وإعطاء طاقة للجسم، تعد بديلًا رخيص الثمن للحوم الحمراء، ولكن هناك نوعًا من الدجاج لا ينبغي شرائه أبدًا بسبب أضراره الخطيرة على الجسم.
وأوضح الطبيب البيطري، محمد يوسف في حديثه لـ«»، أن هناك عدة أنواع من الدجاج تباع لدى «الفرارجية» ولكن أخطرها هو ما يعرف باسم «المقطعات»، فذلك أضراره كبيرة على الجسم بسبب احتوائها على البكتيريا والميكروبات.
طبيب بيطري يحذر من أخطر أنواع الفراخ
وشرح «يوسف» أن الباعة لديهم عدة أنواع من الدجاج، مثل «الصردة» ويكون صغير الحجم : «في فراخ كده بتتربى في العنابر والمزارع بتبقى كشة ومكملتش العمر وضعيفة، دي بتاكل مبتديش وزن، فأصحاب المزارع علشان يخفوا العنبر بيبعوا الفراخ دي للتجار بسعر رخيص وبيكون حجمها ما بين 700 لـ800 جرام، زي الحمام كده، ومعروفة باسم فراخ الحشو، والفراخ بشكل عام نوعين نوع أبيض وفي نوع تاني اسمه ساسو ده بيبقى فراخ بلدي مهجنة سعرها أغلى وأقل في الحجم، أو الفراخ البلدي اللي جاية من السلالة النصرية».
وحذر «يوسف» من الفراخ النافقة فتلك أخطر من المريضة وتعد من أخطر أنواع الدجاج المباع، فالأخيرة تموت خلال ساعتين من إصابتها، أما النافقة فتلك أضرارها كبيرة: «الفراخ النافقة هي اللي بيبعوها والبياعين ممكن يغشوا الزيابن، فمثلا بعد ما يختاروا الفرخة وتكون صاحية أدامهم وكويسة، ويوزنها، وبعدين يعمل نفسه أنه بيدحها ويحطها في البرنكية ويكون حاطط أصلا فرخة ميتة، وياخد الفرخة الميتة بعد كده وينضفها ويريشها ودي تبتقى كارثة طبعا لأن دي فيها ميكروبات كتيرة جدا».
مقطعات الدواجن وخطورتها
وتابع الطبيب البيطري، أن هناك بعضًا من التجار في الأحياء الشعبية، يشترون الدجاج النافق على اعتبار أنها أنها علف للأسماك، ثم يجري تريشها وتتحول إلى «المقطعات» أي الدجاج القطع مقل البانية، الأوراك، الصدور، الأجنحة ويضعها في الـ«الشبة» ثم يبيعها: «مقطعات الدواجن دي خطورتها أنها لحوم ميتة أول ما الحيوان ينفق كل أنواع البكتيريا على طول بتبدأ تشتغل داخل الحيوان، والبكتيريا يتكون أفرزت السموم بتاعتها علشان كده ريحتها بتطلع، مثلا لوهنقول قطعة فراخ نافقة وزنها 100 جرام البكتيريا اللي فيها بتعادل الرقم ده والكلام ده في منتهى الخطورة وبسييب مشاكل كبيرة في الجسم».
علامات نفوق الفراخ
وأكد «يوسف» أن بعض المحلات لا يتوفر لديها عوامل النظافة وخاصة داخل الأماكن الشعبية المزدحمة، إذ أن العامل يرتدي ملابس متسخة ويغسل بمياه غير نظيفة، وهناك علامات تظهر على الدجاج تدل على أنه نافق منذ البداية:
- لحم الفراخ طري جدا ( العضلات سابت فاللحمة مش ماسكة نفسها)
- لونها مائل إلى الرمادي دليل على اختباس الدماء بداخلها
- رائحتها كريهة (الزفارة فيها باينة)
ونصح الطبيب البيطري بشراء الدجاج المجمد أفضل أو من المحلات الموثوق منها تجنبًا لأي مخاطر صحية ربما تحدث للأشخاص.