قال الفنان عادل الفار، إنه خلال الفترة الماضية تعرض للإصابة بغيبوبة وبكت زوجته عليه خلال ذلك الوقت، معقبًا: «قالت لا مش دلوقتي وافتكرتني موت، وإن شاء الله هخرج من المستشفي يوم السبت، وأنا فار سياسي ودبلوماسي وليا كلمة ودور أساسي».
«الفار» يشكر جريدة للاطمئنان عليه
وأضاف «الفار»، خلال مداخلة هاتفية لـ«تليفزيون »، أن الجريدة تواصلت معه لأكثر من مرة من أجل الاطمئنان على صحته، معلقًا: «الواحد حس أنه مهم، وبشكركم جدا وأتمني إني اخرج وأكون كويس وأجيلكم الجريدة، وأنا لسه خارج من العناية المركزة من شوية، وعايز أحسس جمهوري أني بقيت كويس الحمد لله».
وأوضح أنه مع تعرضه لوعكة صحية لم يتواصل معه غير القليل من الفانين من أجل الاطمئنان عليه وصحته: «كنت واخد على خاطري ومش بعتب على حد وكل واحد وعنده ظروف، والناس اللي سألت عليا عايز أخدهم بالحضن، وأكتر حد فاكرني في الوسط الأستاذ أشرف زكي النقيب والفنان سامح يسري وحلمي عبدالباقي، والاستاذ أشرف زكي في تعبي الأولاني أداني فلوس من جيبه الخاص مش من فلوس النقابة».
المهرجانات ليس لها معنى أو هدف
وأكد أن المهرجانات ليس لها معني أو هدف، كما يرى أن: «المونولوج يشير إلى العيوب والحسنات في المجتمع، والمهرجانات مش بتعمل أي حاجة وبتصدعنا وبس».