قطع المكرونة «الإسباجيتي» فوق بعضها، وضعت بطريقة هندسية وباستخدام لاصق قوي، توضع قطع المكرونة على هيئة كوبري أو جسر، وبمعايير وحسابات هندسية، تستطيع تحمل أوزان تصل إلى أكثر من 100 كيلوجرام دون أن ينكسر الجسر أو يحدث أي خلل في بنائه، هكذا شارك طلاب الفرقة الأولى بكلية الهندسة فرع المطرية جامعة حلوان، بمسابقة «Triple S»، وحصلا على المركز الأول في فرع «Spaghetti bridge» بالمسابقة.
ومسابقة «Triple S» تنظمها كلية الهندسة فرع المطرية جامعة حلوان، وهي أكبر مسابقة هندسية في جامعات مصر، شارك فيها أكتر من 1500 طالب من 15 جامعة مُختلفة للتنافس في المجالات الهندسية ولعرض مجهوداتهم، وتنقسم إلى 5 فروع.
فكرة تصميم «كوبري إسباجيتي» يتحمل أكثر من 100 كيلوجرام تفوز بالمركز الأول
عبدالعزيز فرحات، المسؤول عن الفريق الفائز بالمركز الأول، تحدث لـ«» عن فكرة تصميم كوبري أو جسر باستخدام المكرونة الإسباجيتي: «باستخدام 3 كيلو مكرونة حد أقصى بنعمل بيها شكل كوبري بمعايير هندسية من خلال دراستنا، بحيث إن 3 كيلو مكرونة تقدر تشيل 80 و100 كيلو أكتر».
«الاسباجيتي» تتشكل على هيئة كوبري باستخدام لاصق قوي
شارك الفريق مع بعضه في إنتاج مشروع كوبري «الإسباجيتي»، وبدأ بتجربة جميع أنواع المكرونة الموجودة بالأسواق، وأيضًا اختيار التصميم المناسب لفكرتهم، والتي يمكن أن يحمل أوزانا ثقيلة: «بدأنا ننفذ الفكرة بإيدينا، وكل ما التنفيذ بيكون دقيق أكتر بنستخدم كمية معقولة من اللصق على المكرونة، وبنستخدمه بكميات معقولة، والتصميم مع التنفيذ هو اللي يخلي المكرونة تشيل الوزن من غير أي خلل».
فشل في حمل أوزان ثقيلة في البداية.. ثم نجاح في النهاية
5 أيام للانتهاء من التصميم، ومدة أطول لتجهيز الكوبري أو الجسر والانتهاء من ضبط معاييره الهندسية، بحسب «فرحات»: «عملنا الكوبري في البداية بشكل تجريبي، عشان نشوف نتعلم من أخطائنا، لكن مقدرش يستحمل وزن كبير، حاولنا نسأل ناس كتير من دكاترة الجامعة ومعيدين ومهندسين متخرجين عشان نشارك في المسابقة بأحسن حاجة».
حضور وزير الشباب والرياضة
سعادة كبيرة بعد الإعلان عن فوز فريق «الإسباجيتي» بالمسابقة، بعد أيام من العمل طوال الليل والنهار، دون راحة: «مدى سعادتنا متتوصفش، إحنا تعبنا جدًا، وفي أيام كنا بنبات بره البيت، الحمد لله قدرنا نوصل للمركز الأول بعد تعب، وكسرنا الرقم القياسي في إن المشروع بتاعنا قدر يشيل حمل 110 كيلوجرام».
وحضر مسابقة «Triple S» الدكتور أشرف صبحي، وزير الشباب والرياضة، والدكتور سيد قنديل، رئيس جامعة حلوان.