ينتاب مستخدمو الإنترنت الخوف في بعض الأحيان على بياناتهم الشخصية الموجودة على هواتفهم، وذلك في ظل التطور المستمر من قبل «الهاكرز» الذين يبتكرون أساليب جديدة للاستيلاء على حسابات مواقع التواصل الاجتماعي المختلفة، لذلك نرصد لكم أشهرها في التقرير التالي، وطرق تجنبها.
خبير يحذر من أشهر أساليب الهاكرز لاختراق حسابك
أوضح المهندس محمد مصباح، استشاري أمن المعلومات، أن العديد من المستخدمين، يصل إليهم رسائل على مواقع التواصل الاجتماعي المختلفة مثل فيسبوك وإنستجرام وغيرها، لكنها بتكون مكتوبة بطريقة جذابة جدا، يعني، مثل: «يوجد خصومات الجمعة الجاية على براند ملابس معين، بس علشان تاخد التخفيض لازم تدخل تملأ اللينك اللي بيسيبهولك في الرسالة».
بمجرد الضغط على فيشينج أتاك «Phishing attack»، يتمكن الهاكر من اختراق حسابك على موقع التواصل، بحسب ما ذكره «مصباح» خلال بث مباشر لـ«»: «الهاكر هيقدر يسرق أي بيانات على الجهاز، باستخدام أجهزة خاصة لديهم، وكذلك يمكنه استغلال تلك الحسابات في اختراق حسابات أخرى».
واستطرد «مصباح» حديثه: «الهاكر بيصنع لينك اسمه (فيشينج لينك)، ويربطه بحسابات مشهورة زي فيسبوك وأمازون، ويبدأ يبعتلك اللينك ده على ماسنجر أو واتساب، وبمجرد ما تضغط على اللينك ده، بيبدأ يبعته على كل جهات الاتصال اللي عندك ويبعتلهم نفس الرسالة».
أشياء يستولي عليها الهاكرز بتلك الخدعة الإلكترونية
– أشخاص في شركات، يستولي على معلومات معينة عن مناقصات مثلا أو غيرها من المعلومات اللي ممكن تحتاجها من شركة معينة.
– الأشخاص العامة، ممكن يتسرق منهم اليوزر نيم والباسور، أو معلومات خاصة عن internet banking، وmobile banking، بس الأخطر من كده أنه بيستعمل الأجهزة الخاصة بيك بأنه يعمل قرصنة على حسابات أصدقائك
إزاي تفرق بين الروابط الوهمية والحقيقية؟
«لو حد باعتلك لينك ومفيش أصدقاء مشتركين بينكم أو تواصل قبل كده، أو لو اتبعتلك لينك مثلا من أمازون، لازم تشوف اللينك بادئ http، ولا https»، بحسب «مصباح»: «غالبا اللي مبعوت Phishing attack بالشكل ده، بيكون معمول ليه إعادة إختصار، ممكن تاخد اللينك وتروح تحطه على موقع (Virus Total)، بيبدأ يعمل scan هيقولك ده Phishing لينك ولا لا، يعني لو ظغط عليه هيعمل عليك هجوم ولا لا».
نصائح لحماية بياناتك من الاختراق
لو دوست على اللينك بالخطأ، عليك إتباع التالي:
– فصل الإنترنت من الجهاز.
– عمل scanning للجهاز.
– يجب سحب كل الداتا اللي موجودة على الجهاز على ديسك خارجي.