أراد أن يكون سببا في تقديم الخير بطريقته الخاصة، فحرص من خلال لافتة مكتوب عليها «إن لم تستطع شراء الطعام أطلبه بالمجان»، معلقة على عربة الطعام المتنقلة في ضواحي شوارع القاهرة، يقدم من خلالها كافة أنواع المخبوزات بالمجان لغير المقتدرين.
محمد سعيد، صاحب الـ28 عاما، روي خلال حديثه لـ«» تجربته في إنشاء مشروع يخدم الخير، قائلا: «في البداية أنا كنت عامل في إحدى مصانع المخبوزات، وحبيت أني أستقل وأعمل مشروع خاص بيا بإمكانيات بسيطة، وفعلا نفذت المشروع بأقل تكلفة ممكنة وخليت جزء كبير منه للخير لأن ده رزقنا كلنا مش رزقي لوحدي، والمشروع ليه حوالي 6 شهور».
مدى الإقبال على المشروع
حرص الشاب العشريني على تقديم الخير من زاويته الخاصة، فلم يرغم أحدا على نوع معين من المخبوزات ويعرضه هو فحسب، بل أنه يوفر للعميل ويحضر له مايحتاج «بيجي حد يقولي عاوز بقسماط علشان أفطر بشوف الكمية اللي محتاجها وبوفرهاله، وكمان اللي مش بيقدر يجي المكان نفسه ويشتري عامل دليفري بالمجان لأي مكان».
تجارة مع ربنا
لم يهدف الشاب إلى الفوز ماديا من خلال مشروعه الذي يعد مصدر دخله الوحيد، بل كان همه الوحيد هو أن يكون الخير هو الأساس، ففكر في تصنيع أدوات للمخبوزات تلاءم المساحة الصغيرة لعربيته الخاصة، يعمل على مدار اليوم دون كلل أو ملل «بشتغل 24 ساعة وبرجع فرحان بالدعوات اللي بسمعها، ودي سبب أي نجاح ليا بعد خير أبويا ودعوة أمي».
كما وجه محمد سعيد عبر مشروعه لعربة الطعام المتنقلة رسالة لكل من يخشى الاستقلالية « اشتغل في المجال اللي بتحبو مش شرط اللي درسته، وحب الخير للناس ربنا هيكرمك من وسعه، وخليك واثق في نفسك وصدق حلمك، وجبر الخواطر كبير أوي عند ربنا ونفسي دائرة الخير تكبر أكتر وأكتر».