ملابس تلفت الانتباه من الوهلة الأولى، ها كثيرة ومتداخلة، وتصميماتها غير شائعة في المجتمع المصري، أما الأقمشة فهي مستوردة من الخارج، كل ذلك وضعته الشقيقتان التوأم في براند ملابس يدمج بين الأفريقي والنوبي، ليخرج بتصميمات مميزة لأصحاب الذوق المختلف.
«رابعة»، ليسانس دار علوم، و«فاطمة»، بكالوريوس تجارة، شقيقتان من النوبة ولكنهما تعيشان في القاهرة، قدمتا موديلات مختلفة شكلا ونوعا في عالم الأزياء، على الرغم من أن دراستهما بعيدة تماما عن صناعة الأزياء، تحكي «رابعة» لـ«»، أنها منذ صغرها وهي تعشق التميز في الملابس: «أنا وأختي من زمان بنحب نلبس مختلف، فقررنا نعمل براند لينا يكون مختلف وكله مبهجة جدًا، ومكناش متخيلين رد الفعل على أول منتجات عملناها فقررنا نستمر في المجال ده».
بداية المشروع جاءت بفكرة دارت في ذهن «رابعة»، وهي أن تشتري قماشًا أفريقيًا وتصمم منه ملابس لها ولأولادها، وبعد أن انتشرت الصور على مواقع التواصل الاجتماعي، أعجبها رد الفعل فقررت استثمار الفكرة في مشروع: «عرفنا إن القماش الأفريقي مش موجود في مصر فاتواصلنا مع حد في نيجيريا وجبنا كميات كتيرة وبدأنا نشتغل».
لا تقوم «رابعة» وشقيقتها بحياكة الملابس بنفسيهما، بل تقومان بالتصميم ومتابعة التنفيذ: «معانا منفذين بيساعدونا وإحنا بنصمم الشكل وكل حاجة ودلوقتي بناخد كورسات عشان نتقن الموضوع أكتر، الحمد الله التصميم اللي بنرسمه وبنفكر فيه بيعجب كل الناس»، موضحة أن ردود الفعل كانت مشجعة جدًا فكثير من المتابعين على صفحة «نوبيا» يدعمون مشروعهما.
ترى «رابعة» أن العادات والتقاليد الأفريقية تتناسب معهم ولذا كان التفكير في دمج التصميمات الأفريقية والنوبية: «بنطمح إننا يكون لنا أكتر من فرع في كل محافظات مصر ويكون فيها كل شغلنا علي الطبيعة، ونفتح ورشة أكبر عشان نقدر نصمم أكبر عدد ويكون براند نوبيا معروف في كل مكان».