بأنامله الصغيرة بدأ يعزف على آلة البيانو، التي أهداها له والداه، بعد اكتشاف موهبته، ليبدأ من هنا يوسف أشرف فريد، رحلة التميز وتنمية موهبته، التى توِّجت بفوزه بالمركز الأول في مسابقة المبدع الصغير فرع العزف، والحصول على جائزة مالية قدرها 40 ألف جنيه، تحت رعاية السيدة انتصار السيسي.
بداية «يوسف» مع الموسيقى
تقول والدته إسراء محمد إن طفلها بدأ يهتم بالموسيقى في عمر الـ8 سنوات، لذا قدمت له في أكاديمية الفنون، وأجرى مقابلة للانضمام لمواهب معهد الكونسرفتوار، وقابل هناك الدكتور مصطفي جرانة عميد المعهد، الذى تبنَّى موهبة الصغير، لكونه عازف بيانو، وبدأ يرعاه ويدعمه: «هو معلمه الأول دلوقتي واللي بيتابع موهبته».
تعرفت الأم على مسابقة المبدع الصغير من إعلان داخل المدرسة، وبادرت بالتقديم لابنها صاحب الـ13 عاما، وبالفعل تم قبوله وفوزه بالمركز الأول، بعد أن عزف مقطوعة موسيقية نالت إعجاب لجنة التحكيم: «لما لقيته موهوب وحابب العزف، اشتريت له بيانو، وكان فرحان بيه جدا، ونفسه يسافر للخارج ويعمل ربط بين الموسيقى الجديدة والقديمة، وإحنا بندعمه لتحقيق كل أحلامه».
كيف استقبل الصغير خبر فوزه بالمركز الأول؟
تحكي «إسراء» أن طفلها انجذب لآلة البيانو تحديدا وبدأ يتعرف عليها ووجد أن مواصفاته تتناسب معها: «لأنها من الآلات اللى بتحتاج شكل معين للإيد، ويوسف متوافر فيه ده عضم إيده عريض عشان يجيب النغمات البعيدة ويطلعها بسهولة.. أحنا كلنا بنحب الموسيقى وبنحضر حفلات في الأوبرا، لكن مفيش حد درسها، ويوسف كان مبسوط بقبوله في المعهد، وممكن يفضل قاعد على البيانو 8 ساعات من كتر ما هو بيحبه».
استقبل الصغير خبر فوزه بالمركز الأول بفرحة عارمة، واحتفلت الأسرة بأكملها بانتصاره الأول في مشوار حلمه الكبير بأن يصبح عازفا مشهورا: «نفسي أسافر بره، وأتعلم أكتر عن البيانو، وفرحتي ما تتوصفش بالفوز ده»، يقولها «يوسف»، موجهاً الشكر لوالديه ومعلمه على الدعم والمساندة له طوال الوقت.