09:31 م
الإثنين 28 مارس 2022
كتب- محمد جمعة:
قال رجل الأعمال المهندس نجيب ساويرس، إنه طلب من والدته الصلاة من أجل منتخب مصر وفوزه على السنغال في مباراة غدًا الثلاثاء.
وأضاف ساويرس، خلال مداخلة هاتفية مع الإعلامي سيد علي ببرنامج “حضرة المواطن”، مساء الإثنين: “إحنا شجعنا المنتخب في القاهرة كويس، والحمد لله ربنا نصرنا، وإن شاء الله ينصرنا بكره”.
وتابع رجل الأعمال: “إحنا محتاجين معجزة عشان نكسب، لأن بتوع السنغال شرسين جدًا ونفسهم طويل، وفي الشوط التاني كنا بندافع بس.. ورأي إن المباراة هناك لازم يبقى فيها هجوم”.
واستطرد ساويرس: “أنا كلمت والدتي لأن عندها صلات قوية قوي فوق.. قلتلها محتاجين معجزة فصلي لينا عشان نكسب بكره.. هي بتطلب مني حاجات كتير، فقلت فرصة أطلب منها تصلي لينا بكره لأننا محتاجين دفعة من عند ربنا”.
وأشار ساويرس إلى أنه لن يذهب للسنغال وسيشاهد المباراة من القاهرة، متابعًا: “هنكون مع المنتخب بقلبنا.. ولو فوزنا هاخد صحابي أعزمهم على العشاء”.
ويلتقي منتخب مصر نظيره السنغالي غدًا الثلاثاء في مباراة الإياب بالعاصمة دكار في المرحلة الفاصلة المؤهلة لكأس العالم بقطر 2022، وذلك بعد تحقيق مصر الفوز في القاهرة بهدف نظيف.