02:38 ص
الثلاثاء 23 مايو 2023
كتب- معتز عباس:
أكد الإعلامي يوسف الحسيني، أن ما يحدث في البلاد بشأن شبكات الطرق الجديدة وإنشاء الكباري، وخطوط سكك حديدية تربط المحافظات، هي الفضيلة الوطنية بذاتها، لأن المصريين يستحقون ذلك.
وقال “الحسيني” خلال تقديم برنامجه “التاسعة” المذاع على “القناة الأولى المصرية”، مساء الإثنين، إن كتاب الاقتصاد والمدارس الاقتصادية ترى أنه شبكات النقل والطرق والكباري هي عصب الاقتصاد لأنها شرايينه التي تتمدد داخل الدول، من أجل تنشيط الاقتصاد والاستثمار والصناعة.
وأضاف: “لسبب من الاسباب، النهاردة كنت في مشوار طويل للعين السخنة، شفت بعيني سكة حديدية للقطار الكهربائي عملاقة بتتعمل عشان تربط ميناء العين السخنة في السويس بميناء الدخيلة في الإسكندرية، هتربط الشرق بالشمال، دا محور وشريان وعصب حقيقي يربط تجارة البحر الأحمر بالمتوسط جنبًا إلى جنب مع قناة السويس الجديدة والطرق البرية”.
وأكمل: “دا معناه تنشيط حركة التجارة والصناعة والاقتصاد والاستثمار والمجتمعات العمرانية، لأنه في خدمات هتتعمل في هذه المنطقة، لو احنا شفنا اللي بيجري في البلد زي ما الخواجة بيشوف دلوقتي احنا احساسنا باللي بيحصل هيبقى كبير جدا، ودا اللي خلاني أقول اللي بيحصل في البلد دي خيال”