اشتباك بين ميدو وكوكا على “تويتر”

رد مهاجم منتخب مصر أحمد حسن كوكا، والمُحترف في صفوف فريق كونيا سبور التركي، على وصف مدرب الزمالك السابق، أحمد حسام ميدو بأنه لا يصلح للعب مع المنتخب الوطني، وذلك بعد استبعاد البرتغالي كارلوس كيروش له من قائمة الفراعنة التي ستشارك في كأس الأمم الإفريقية 2021.

وتنطلق منافسات كأس الأمم الإفريقية 2021، يوم 9 يناير المقبل وحتى 6 فبراير 2022.

كيروش أعلن أول أمس الأربعاء، قائمة الفراعنة التي ستشارك في أمم إفريقيا، مع استبعاد كوكا والاستعانة بـ رمضان صبحي ومحمود حسن تريزيجيه.

البداية كانت من ناقد رياضي غرّد عبر حسابه بـ “تويتر”: “في الحقيقة أحمد حسن كوكا عامل مسيرة احترافية مميزة جدًا.. النهاردة أحرز هدفه الـ99 في الملاعب الأوروبية وهو ثاني الهدافين من المصريين المحترفين في الخارج بعد محمد صلاح والثالث من حيث عدد ال بعد محمد النني وصلاح وأرقام تانية كثيرة مميزة.. كل التحية لمسيرته”.

اقرأ أيضًا – ميدو: منصب مدير التعاقدات لا وجود له في العالم.. وتصوير اللاعبين معه عدم احترام

ليرد ميدو، صباح اليوم الجمعة: “مهاجم متواضع لا يصلح للمستوى الدولي حتى ولو أحرز 1000 هدف”.

تغريدة ميدو أثارت استياء كوكا حيث رد بشكل عنيف عليه، وكتب: “مهاجم متواضع؟ أولًا هو أنت أصلا مين طلب رأيك؟ ثانيًا إنت مبطل كورة وإنت عندك ٢٩ سنة وكل الناس عارفة ليه”.

وأكمل: “ثالثًا لو رقم الأهداف اللي أنا جايبه شايفه قليل ماجبتوش إنت ليه؟، مع إن اللي بيلعب في نادي أكبر فرصه بتكون أكتر في التسجيل؛ رابعًا حاولت تبقي مدرب ومبتكملش شهر في أي نادي”.

وتابع: “خامسًا بتحاول تبقي إعلامي وتتكلم عن ده وده عشان تبقي تريند بأي شكل، أي حاجه عايز تدخل فيها، ده حتى صلاح في أول مشواره كنت بتتكلم عليه وحش، الحقد عالي أوي عندك من زمان وإنت بتتكلم وحش عني”.

وأتم مهاجم النادي الأهلي السابق قائلًا: “أنا عارف إن أكبر غلط إني أرد عليك وإنت فاضي وعندك برنامج تتكلم فيه كل يوم بس أنا برده مش هيهدني كلامك وهفضل في طريقي، مركز في مستقبلي ومش عايز حاجة من الناس بعد ما أبطل كورة وبعد لما أموت غير السيرة الحلوة”.

ميدو يرد الهجوم على كوكا

ولم يتوقف التراشق بين الثنائي عند هذا الحد، بل قام ميدو بالرد على كوكا، وهاجم مهاجم أولمبياكوس السابق وكتب: “عمري ما روحت المنتخب علشان مناسب حد مهم.. انت عارف كويس انت كنت بتروح المنتخب لسه.. رد في الملعب حاول تروح المنتخب.. انت لاعيب تعبان وكل مؤهلاتك نسبك وانت عارف كويس”.

وأضاف: “عمري ما لعبت في دوريات الالاضيش اللي انت بتلعب فيها.. يا اهبل مصر كلها بتقول انك لاعيب على ماتفرج مش انا بس وتاني انت عارف كويس انت كنت بتروح المنتخب ليه”.