عبر محمد إبراهيم كيشو عن سعادته الشديدة بعد حصوله على الميدالية البرونزية في منافسات المصارعة اليونانية الرومانية في إطار دورة الألعاب الأولمبية، طوكيو 2020.
ونجح كيشو في الفوز بالميدالية البرونزية بعد تغلبه على بطل روسيا، أرتيم سوركوف، بالتفوق الفني بعد التعادل 1-1 بينهما. (طالع التفاصيل)
وعلق إبراهيم على فوزه في حسابه الرسمية على موقع التواصل الاجتماعي “فيس بوك” وكتب: “دموع الفرحة مش مفرقاني بعد أول مشاركة لي في الألعاب الأولمبية بطوكيو وحصولي على الميدالية البرونزية بعد تعب كتير”.
وتابع: “اولا الحمد الله دائما وابداً على فضلك وكرمك وتوفيقك لي يا رب، أهلي وأصحاب الفضل علي واللي أنا وصلت للمكانة دي بسبب دعواتهم لي وتعبهم معايا كلام كتير جوايا ليكم مش هيكفي صدقوني، (امي وابويا)، فاطمة، الفرصة جت اني اشكرك على كل لحظة وقفتي جنبي فيها وتشجعيك لي وقريب هنفرح”.
وأضاف: “كابتن زوقلط انا مش عارف اقولك ايه والله بجد على كل لحظه عديت وانت جنبي واوفيت بوعدي ليك وفرحتك زي ما أنت كنت عايز، دعم الدولة المصرية لي من اهتمام وراعيه ومتابعة دائمه من وزارة الشباب والرياضة الدكتور أشرف صبحي معالي الوزير لحظة بلحظة”.
وواصل تصريحاته: “واللجنة الاولمبية المصرية الداعمة المهندس هشام حطب الداعم لي بصفة خاصة دائما، ودكتور عبد الأول كلام كتير مش هيوصف اللي جوايا على كل لحظه ساعدني ووقفت جنبي فيها، الراعي الرسمي لي البنك الاهلي شكرا ليك علي كل ما قدمته لي ودعمك الدائم لي، شركة روابط الرياضية واحلي تيم شكرا لكم بجد عل كل حاجه وعلى ثقتكم فيا وانكم ساعدوني على تحقيق هدفي وكل احتياجاتي شكرا لكم جميعا”.
واختتم: “وبشكر كل الناس علي دعمهم و رسائلكم اللي فرحتني وشجعتني، وانتظروا ذهبية اولمبياد باريس بإذن الله”.