شن محمد طارق، لاعب الفريق الأول لكرة القدم بنادي الزمالك والمنتخب الأولمبي، هجوماً لاذعاً على إدارة القلعة البيضاء برئاسة حسين لبيب، وذلك بعد إعلان اتحاد الكرة المصري رسميًا إغلاق باب القيد الصيفي للدوري المصري الممتاز لموسم 2024-2025.
وفي منشور طويل عبر حسابه الشخصي على موقع “إنستجرام”، أعرب طارق عن استيائه الشديد من تجاهل إدارة النادي له وعدم التواصل معه طوال الفترة الماضية، رغم أنه أحد أبناء النادي ويمثل أحد أهم أركانه.
وأشار إلى أنه يشعر بالمرارة لكونه قد يضطر للجلوس في منزله بلا ناد يلعب له، لمدة شهرين كاملين بسبب هذا الإهمال.
وكتب محمد طارق عبر “ستوري” بموقع “إنستجرام”: “بعد إغلاق القيد، عاوز أقول كلمتين، أولًا بلاش تتخدعوا في الناس، الواحد مکنش محتاج حاجة من حد غير شويه احترام واحترافيه في التعامل، لكن ده محصلش”.
طالع أيضًا | “انحدار إنساني”.. تعليق مثير من شريف إكرامي على أزمة ثلاثي الزمالك
وتابع: “وانا مبحبش أتكلم كتير بس النهارده انا شبه هقعد شهرين بدون نادي، لكن تعالوا نعكسها كده لو انا اللاعيب وسبت النادي بتاعي وهو محتاجتي أوي وروحت نادي تاني علشان فلوس أو غير ذلك، الناس والجمهور بيقلبو الدنيا”.
وأضاف: “لكن لما النادي اللي اتربيت فيه ولعبت وكسبت معاه ، وجزء ولو صغير من النادي وابن النادي وأكون راجع من أولمبياد وارجع علشان أنزل التمرين وأكلم المسؤولين، وشهرين محدش يرد ولا يتواصل معاك”.
وأردف: “على فكره معنديش مانع تفسخ معايا عادي جدا هي دي الكورة، وده جزء من الاحتراف، لكن انتوا لا ترتقوا انكم تكونو مسئولين في نادي كبير، ولا تعرفو يعني إيه احترام للاعب الصغير قبل الكبير عكس أي نادي تاني”.
واختتم: “لكن الجمهور واللاعبين أحب أشكرهم على كل يوم قضيتو داخل النادي، وبحبكم جدًا، وشكرًا على كل الحلو إللى عشتوا وال إللي خدناها سوا، وأسف لو قصرت في يوم من الأيام”.
