منذ أكثر من 3 سنوات، ومحمد ممدوح يتلقى بعض الانتقادات التي وجهت له بسبب مشكلة في صوته وعدم فهم كلامه في الأعمال الفنية، لكن الحال تغيّر مؤخراً بعد ملاحظة الجمهور تحسن مخارج ألفاظه والتي أشاد بها الكثير.
محمد ممدوح كشف عن الأسباب وراء هذا التحسن قائلًا : “ناس كتير مؤخرا كانت بتبعتلي وتكتبلي اعجابهم بالتطور الملحوظ في مشكلة الصوت عندي.. بشكرهم طبعا جدا في البداية واحب شكر دكتورة چيهان ناصر لأن الفضل يرجع لربنا ثم ليها في الموضوع ده، دكتورة چيهان هي مخرجة غنائية وموسيقية كبيرة ومحكمة ومؤدية في مجال الدبلجة، هي اللي وقفت معايا الفترة الاخيرة وساعدتني جدا في حل مشكلة الصوت والحمدلله وصلنا لمستوى معقول لحد ما توقفنا مؤقتا عشان ظروف كورونا وهنكمل تاني في المستقبل ان شاء الله.. فا شكرا ليكم على اراءكم اللي بسطتني وشكرا دكتور چيهان على مجهودك العظيم والرائع معايا واوعدكم ان شاء الله يتطور اضافي الاعمال الجايا”.
تفاعل مع محمد ممدوح ودعمه عدد من النجوم في التعليقات ومنهم لطيفة، مريم الخشت، علا رشدي، شيكو، أسماء جلال وبشرى التي كتبت:” كانت استاذتى…وطبعا يا محمد دى خطوة غاية فى الأهمية احييك جدا عليها..انا اكتشفت ان معظمنا اصلا بيتنفس غلط و لما بنتعلم نتنفس صح الصوت بيطلع صح من غير مجهود و من غير ما نأذى انفسنا ودى اهمية وجود خبراء فى حياتنا …تحياتى ليك و ليها”.